२९ वार्षिक साधारण सभा सम्बन्धी सूचना

यस संस्थाको २९औं बार्षिक साधारण सभामा उपस्थित सम्पूर्ण शेयरधनी महानुभावहरु तथा उपस्थित महिला तथा सज्जन बृन्दमा संस्थाको संचालक समिति तथा आफ्नो तर्फबाट हार्दिक स्वागत एवं न्यानो अभिवादन ब्यक्त गर्दछु । यस गरिमामय उनन्तीसौ वार्षिक साधारण सभामा अध्यक्षको हैसियतमा गत आ.व.०८०÷०८१ को वासलात, नाफा नोक्सान हिसाव, नगद प्रवाह विवरण र लेखापरिक्षण प्रतिवेदन सहित संचालक समितिको बार्षिक प्रतिवेदन शेयरधनी महानुभावहरु समक्ष स्वीकृतिका लागि सहर्ष प्रस्तुत गर्दछु । १. आर्थिक गतिविधि आर्थिक मन्दी र व्यापार असहज भएको विषम परिस्थितिमा पनि हाम्रो सहकारीले राम्रो कारोबार गर्न सफल भएको कुरा जानकारी गराउन पाउ“दा म गर्व महशुस गर्दैछु । यसले हाम्रो सामूहिक प्रयास, प्रतिबद्धता, र सही रणनीतिको परिणाम हो । सहकारीका सदस्यहरूको समर्थन र विश्वासले हामीलाई कठिनाइहरूको सामना गर्न प्रेरित गरेको छ । हामीले बजारको परिवर्तनलाई छिटो समायोजन गर्दै, लागत नियन्त्रणमा ध्यान केन्द्रित गर्दै र ग्राहकहरूको आवश्यकतामा आधारित सेवा र सुविधाहरू प्रदान गर्न सफल भयौं । यो सफलता केवल हाम्रो प्रयासको परिणाम मात्रै होइन, सबै सदस्यहरूको सहभागिता र सहयोगको परिणाम हो ।

हामीले यस अनुभवबाट धेरै पाठ सिकेका छौं, जसले भविष्यमा थप चुनौतीहरू सामना गर्नमा मद्दत गर्नेछ । हाम्रा सबै शेयरधनीलाई धन्यवाद, जसले हामीलाई विश्वास गर्नुभयो र सहयोग गर्नुभयो । हामीले यसैगरी मिलेर काम गर्दै भविष्यमा अझ ठूलो सफलतामा पुग्न सक्नेछौं । त्यसैले म सम्पूर्ण सदस्य महानुभावहरुलाई विश्वासका साथ ढुक्क भएर कारोबार गर्न अनुरोध समेत गर्दछु । संस्थाले ऋण लगानी र असुली नीतिलाई परिमार्जित गर्नको लागि कडा छनौट विधि अपनाएको छ, जसले कर्जा प्रवाहलाई अधिक सुदृढ र प्रभावकारी बनाउ“छ । यसले संगठनात्मक सुदृढीकरण र ब्यवस्थापकीय सुधारलाई प्रवद्र्ध्न गर्दै खर्चमा मितव्ययिता अपनाउने लक्ष्य पनि राखेको छ ।

यसरी संस्थाले आम्दानी बृद्धि गर्दै दीर्घकालीन दिगो विकासमा ध्यान केन्द्रित गर्ने सोच राखेको छ । यो नीति संस्थाको वित्तीय स्वास्थ्यलाई मजबुत बनाउन र समग्र प्रदर्शनलाई सुधार गर्न मद्दत गर्नेछ ।